Eibergen Eibarge

Eibarge is ne plaatse in de gemeente Berkelland in de Nederlandse previnsie Gelderland.

Eibarge was tot an de gemeenteleke herindeling op 1 januari 2005 ne eigen gemeente. De stad ligt an et rivierken de Berkel, woar de ni-je gemeente Berkelland noar eneumd is. Et hef ongeveer 12.000 inwonners. Eibarge wöd deursneden deur de N18, de weg dèn vanaf Vasseveld noar Eanske löp, ok wal de Twenteroute eneumd. In 2003 is der deur de previnsie Gelderland geld reserveerd veur nen rondweg um Eibarge, moar dèn is der nog altied neet ekommen.


Geskiedenis
Eibarge wöd in 1188 eneumd as de zelfstandige parochie Ecberghe. Ut heurden toen bi-j de heerlekheid Borklo. In de 15e eeuw kreeg de plaatse stadsrechten. Ne volledige stad is Eibarge nooit ewodden, umdat rechtspraok bi-j de heer van Borklo bleef.