Wehl Wael

Wael is een darp in de gemeente Deutekem en gelaegen in de Gelderse streek De Liemers. Tot de gemeentelike herindeling op 1 januari 2005 was Wael een eigen gemeente.

Geschiedenis
De name Wehl of Weel kump veur t eerste rond 1200 veur. Ok bunt der archeologische vondsten uut dèn tied. Tufstenen delen van de katholieke karke komt ok uut dèn tied. Vanaf 1406 viel Wael onder de graven van Kleef. Ruum vier eeuwen bleef Wael Kleefs en dus viel t darp as enklave in Nederland onder Pruussen. In 1816 wodden Wael onder t gezag van t Koninkriek der Nederlanden eplaatst. De eurspronkelike bebouwing was tot an 1945 an de tegenswoordige Stationsstroate, Grotestroate, Diemseweg, Keppelseweg en Beakseweg. Noa den oorlog is der völle ni'jbouw bi'j ekommen en gruujde t antal veurzeningen ok in een vlug tempo.

Völ minsen geleuve nog in n old verhaal; dat Karel de Grote op d'n Hettenheuvel stinge, en uutkeek oaver de vlakte woar Wael lag. Hi'j het toen gezeit: Wat Een Heerlijk Land, woarvan de eerste letters Wehl vormt.