Eefde Aefde

Aefde is n darp in de Nederlandse gemeente Lochem, previnsie Gelderland. Et is elaegen an et Twentekanaal.

Ter heugte van Aefde bevund zich in dit kanaal t sluzenkomplex Sloes Aefde, n monument oet 1933 dat deur Riekswaterstaat veur waterhoesholding en scheepvaortverkeer wödt ebroekt en van 2003 tot en met 2006 grondig renoveerd wodden.

Op t landgood Rijsselt in Aefde was Nederlandsch Mettray evestigd, n prottestants opvoedingstehoes veur neet-kriminele jongern met gedragsprobleemn dat in 1851 op-ericht wodden deur Willem Hendrik Suringar. In 1998 is Nederlandsch Mettray um-evormd tot de Justitiële Jeugdinrichting Rentray.

Deur Aefde loopt dree spoorlienn vanoet Zutfent: naor Daeventer, Wenters en Hengel (Aoveriessel). An de liene naor Daeventer, waorvan niks meer te vinden is, lag van 1890 tot 1932 t Station Aefde.

Middn in Aefde bevund zich Landgoed t Haveke: n in 1481 ebouwd heernhoes, omgaeven deur nen 14 bunder groten Engelsen tuin met bos en verzörgde gazons. Lange wandelpaede voert deur t park hen en bunt aoverdag vri-j toogankelek veur t pebliek.

Aefde mek deel oet van de Achterhookse Wandelingn.