Zelhem Zellem

Zellem is een darp in de gemeente Bronckhorst in de previsie Gelderland in Nederland. 

Geschiedenis
In 801 in wodden, volgens een oorkonde, deur Ludger (Ludgerus) een kapelleken op-ericht. In disse oorkonde steet, dat dat in ut gebied "Saleheim" was.

Tussen 1400 en 1500 kreeg de tegenswoordige Lambertikarke de vörm zoas hi-j dèn now hef. An ut ende van de Tweede Wereldoorlog woden de karke zo goed as helemoale verwoest. De karke wodden noa den oorlog wal meteen weer op-ebouwd en is nog altied ut middelpunt van ut darp.

Darp en umgeving
Zellem nuumt zichzelf graag "ut gruune harte van den Achterhook". In 2004 wodden ut komplan in ut centrum van ut dorp feestelek af-erond. Het darp hef now een gezellig modern harte. Zellem höldt völle tradities nog in ere. Zo wordt elken oavond um negen uur nog altied de papklok eluujd.